Тырышларга – кубок һәм бүләкләр

Күптән түгел район почта бүлегендә 2012 елның II яртысына "Минзәлә"-"Мензеля"га язылуга йомгак ясалды.

Анда I урынга чыккан Любовь Дробышевская җитәкчелегендәге күчмә почта бүлеге колективына (Галина Некрасова, Зөлфирә Хәкимуллина, Татьяна Уханова, Әлфия Шияпова) күчмә кубок һәм акчалата премия тапшырылды. Бу көнне "Минзәлә"-"Мензеля" газетасына яздыруда актив эшләгән шәһәрнең 1 нче санлы почта бүлеге, Кадрәк, Бикбау, Воровский, Әтрәкле, Иске Маҗын почта бүлекләре коллективларына грамоталар һәм акчалата премияләр тапшырылды. Почтальоннар бүләкләр өчен рәхмәт әйтеп, 2013 елның беренче яртысына райондашларны "Минзәлә"-"Мензеля"га актив яздырырга вәгъдә бирделәр.