Зур проектта – якташыбыз

Җирле хореографлар җитәкчелегендә Россиянең сигез шәһәреннән 100 әр кешелек сигез бию командасы үзләренең туган шәһәрләре өчен Россиянең танцылар башкаласы исемен яулау өчен Мәскәүгә җыелалар. Казан данын безнең якташыбыз - Минзәлә кызы - Алабуга мәдәният һәм сәнгать көллияте студенты Юлия Буятова яклаячак. Хәзер Юлия Мәскәүдә. Аның белән әңгәмәне ул проекттан әйләнеп кайткач урнаштырырбыз, билгеле, җиңеп кайтыр дип өметләнәбез. Уңышлар сиңа, Юлия!