7 нче “Каенкай” балалар бакчасында тәрбияләнүчеләр батарейка җыеп тапшырдылар

(Дилфас Галиев, "Минзәлә-информ")

Быел да бу балалар бакчасына йөрүче балалар барысы 23 килограмм батарея җыеп “Татмедиа” АҖнең “Минзәлә-информ” филиалының складына тапшырдылар. Батареялар җыюда Ралина Шайгарданова, Амелия Ситдикова һәм башка балалар активлык күрсәтте.

-Бу акция безнең балалар бакчасында сентябрь аенда башланган иде, сигез ай эчендә 23 килограммнан артык батарейка җыелды.  Акциядә балалар һәм аларның әти-әниләре бик теләп катнаштылар, балалар өйләрендә батареяларның тузганнарын түземсезлек белән көтеп тордылар,-ди тәрбияче Ландыш Вагизова.