Ашлама туплау буенча без икенче урында

(Минзәлә, Дилфас Галиев, "Минзәлә-информ") Көзге культураларга барысы 2462 тонна минераль ашлама кертелде, бу бер гектарга исәпләгәндә 77,9 килограмм тәэсир итү көчендә минераль ашлама кергән дигән сүз. Быел барысы көзге культураларга кертелгән ашлама күләмен дә исәпләп 73422 гектар чәчүлеккә 11303 тонна минераль ашлама тупланган. Бу һәр гектар чәчүлеккә 69,8 килограмм тәэсир итү көчендә  минераль ашлама керәчәк дигән сүз. Һәр гектарга минераль ашлама туплау буенча Минзәлә районы республикада икенче урынны били.