Минзәлә
  • Рус Тат
  • Беренче ноябрьдә Данила тагын җырлаячак

    Минзәлә шәһәрендә яшәүче, җырчы Данила Новиковны бүген бөтен ил белә.

    (Дилфас Галиев, “Минзәлә-информ”, 29 октябрь).

    Данила НТВ каналында бара торган дүртенче халыкара вокаль шоу “Ты-супер” тапшыруының беренче турын да катнашып ярымфиналга эләкте. Икенче чыгышы НТВ каналыннан 1 ноябрьдә була. Минзәләне, шәһәребезнең 1 нче урта мәктәбен һәм Татарстаныбызны таныткан яшь җырчы әле кичә генә Мәскәү шәһәреннән шәһәребезгә берничә көнгә генә кайтты. Кайту уңаеннан аның белән шул уңайдан 1 нче урта мәктәпнең “Үсеш ноктасы” кабинетында мәктәп укучылары белән очрашу булды. Әлеге очрашуда мәктәп директоры Ольга Ильина Данила Новиковка мәктәпнең Мактау кәгазе, сәгать бүләк итте.

    Ольга Ильина:

    -Безнең укучыбыз халыкара вокаль шоу “Ты –супер” тапшыруында катнашты, ярымфиналга эләкте. Даниланың 1500 бала арасыннан 58 бала арасына эләгүе генә дә аның ни дәрәҗәдә җыр-моңга гашыйк һәм талантлы икәнен күрсәтеп тора. Данила бик тырыш егет, киләчәктә дә аңа уңышлар гына телик. Данила молодец!

     “Минзәлә-информ” газетасы журналисты Дилфас Галиев Данила Новиковка газетаның махсус бүләген тапшырды.  “Юбилейный” спорт мәктәбе директоры Рәмзил Бәдриев Данилага йөзү бассейнында йөзәр өчен абонемент белән бүләкләде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: