Минзәлә
  • Рус Тат
  • Быел Минзәлә мәчетендә гает намазы укылмаячак

    24 май - Ураза гаете

    (Минзәлә, Илшат Вагыйзов, "Минзәлә-информ") Коронавирус таралу куркынычы сакланганга, Ураза гаетен үткәрү быел яңа форматта булачак - Минзәлә районында мәчетләрдлә Гает намазы укылмаячак. Бу хакта безгә район имам-мөхтәсибе Рәмзил хәзрәт Садыйков хәбәр итте.

    - Республикабызның мөфтие Камил хәзрәт Сәмигуллин  "без Гает намазының - ваҗиб, ә үзебезнең дә, башкаларның да гомерен саклау - фарыз, икәнен истә тотарга, шуңа күрә мәчетләребезнең чир таралу урынына әйләнүгә юл куймаска тиешбез", дип билгеләп үтте. Шуңа күрә, быел мәчетләрдә Ураза гаетен үткәрүдән баш тартырга мәҗбүрбез, - дип хәбәр итте Рәмзил хәзрәт. - Күпләр Ураза гаете көнне мәчеткә фитыр, фидия сәдакасе алып киләләр. Аларны да быел күрше-тирәдәге мохтаҗларга таратсак хәерлерәк булыр.

    Шул ук вакытта 24 май көнне иртәнге сәгать 6:30 да Татарстан мөфтие Камил хәзрәт Сәмигуллин онлайн-форматта бәйрәм хөтбәсе укыячак. Трансляцияне ТНВ каналы, ТР Диния нәзарәтенең рәсми сайтында һәм "Хузур-ТВ" YouTube каналында карап булачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: