Екатерина күперенә паровоз килеп җитте

Илдус Шаһиев, Минзәлә- информ
Күпердә паровоз тора хәзер, Башкортстаннан кайткан чын паровоз реставрацияләнмәде әле, әмма Минзәлә кудеснигы Игорь Цветков осталары ясаган паровоз копиясе янында рәхәтләнеп фотога төшәргә була.
Рамил Шәйсуваров, шәһәр башкарма комитеты җитәкчесе вазыйфаларын башкаручы:
-Шәһәребезне якташларыбыз рәхәтләнеп яшәрлек, читтән килүчеләр кызыгырлык итеп төзекләндерү, яңарту эшләре туктап торганы юк. Тротуалар ясау программасы гына ни тора! Туристлар җәлеп итүдә Екатерина күпере якорный- үзәк урын булып тора. Паровоз үзара салым акчасына ясалды. Тагын берничә МАФ (кече архитектура формалары) куелачак әле.