“Илһам” Халыкара фестиваль-конкурсыннан – дипломнар белән

Фестивальдә Роза Биктаһирова җитәкчелегендәге “Уен” хореография коллективы да катнашты. “Халык биюе” номинациясендә “Уен” хореография ансамбле 1 дәрәҗә лауреат дипломы, “Иң яхшы костюм” номинациясендә диплом белән бүләкләнде.

Шулай ук фестивальдә сәнгать мәктәбе йортының 2 сыйныф укучысы Айнар Хәлиуллин (укытучысы Альберт Латыйпов) уен кораллары иҗаты номинациясендә (баянда) катнашты. Айнар 3 дәрәҗә лауреат дипломына ия булды.

Яшь талантлар күпсанлы тамашачылар, бик җитди судьялык итүче жюри каршында чыгыш ясадылар. Чыгышлардан буш вакытларында балалар илебезнең борынгы шәһәре Санкт-Петербург буйлап сәяхәттә йөрделәр.