Илсур Галиев: Мин мөһим вакыйгада катнаштым

(Дилфас Галиев, Минзәлә информ)

Биредә сайлау участогының ишеген ачып керүгә температураны үлчиләр, битлек һәм авторучка бирәләр. Участокта яшь сайлаучы Илсур Галиев тә катнашты. Ул Россия Федерациясенең сигезенче чакырылыш Дәүләт Думасына сайлауларда үз тавышын бирде.

Илсур Галиев (18 яшь, сентябрь башында тулды):

- Дәүләт Думасына сайлауларда беренче тапкыр катнашамын һәм минем өчен бәйрәм дияргә дә була. Дәүләт Думасына сайлаулар-мөһим сәяси вакыйга. Нинди законнар кабул ителәчәк һәм илебезнең барлык өлкәләре ничек үсешәчәге бездән дә тора. Шуның өчен сайлауларның беренче көнендә үк лаеклы кандидатларга һәм партиягә тавышымны бирдем.

Шунысын да билгеләп үтәргә кирәк, бу сайлау участогында 1008 кеше теркәлгән, шуның 13е беренче тапкыр сайлауда катнашучылар. Яшь сайлаучылардан иртәнге якта Алиса Рахматуллина иң беренчеләрдән булып тавышын бирде. Аның артыннан Илнар Гимаев, Айнур Ахметшин сайлады.