Кыш көне дә биналар җылы булсын

(Илдус Шаһиев, "Минзәлә-информ")
Районда утырышны башкарма комитет җитәкчесе Камил Нәҗмиев алып барды. Социаль объектларда, укыту учрежденияләрендә җылылык системасына опрессовка үткәрүне тизләтү бурычы куелды. Биш яңа пар казанын урнаштыру, куллануга тапшыру буенча Коммуналь челтәрләргә эшне тизләтергә кушылды.
Җылыту сезонына әзерлекнең төп күрсәткече- бина хуҗасы кулында Әзерлек паспорты булу.
Утырышта яңгыраган тагын бер сан китерәм. Пар казаннарының нәтиҗәле куллану вакыты унбер ел икән. Аннан соң җылылык өчен газны күбрәк куллана башлый икән. Димәк, бюджетка өстәмә чыгымнар өстәлә. Шуңа пар казаннарын куллану вакытын да контрольдә тотарга кирәк.