Матурлык гомуми көч белән булдырыла

(Минзәлә, 25 май, “Минзәлә-информ”, Флүрә Мусина)

Медицина училищесы коллективының да үзләренә беркетелгән берничә участогы бар. Шуларның берсе – училище янындагы  “Школьный”скверы.

Училище хезмәткәрләре  скверны  тагын бер кат җыештырып, К.Маркс урамы ягына петуния чәчәкләре утыртып куйдылар.

–Ел буена без әлеге скверны чисталыкта, тәртиптә тотарга зур көч куябыз. Агачлар, чәчәкләр утыртабыз.  Агачларны язын известь белән агартып куябыз. Брусчаткалардагы үләннәр бик мәшәкать тудыра. Аларны чистартып, әледән-әле себереп торырга туры килә. Җәяүлеләр безнең хезмәткә хөрмәт белән карасыннар, чүп калдыкларын теләсә-кайда ыргытмыйча,урналарга салсыннар иде, – дигән теләкләрен җиткерде медицина училищесы директоры Люция Хираҗева.