Минзәлә делегациясе Казахстанга юл алды

Ильшат Вагизов, 21 июль 2026 - 08:09

Атна азагында районыбыз вәкилләре катнашында Петропавловскта Сабантуй үткәреләчәк.

Чараның нинди дәрәҗәдә булачагы хакында делегациянең масштабы да сөйли.

2 автобуста 90 лап кеше юл алды. Җиңел машиналарда чыгып китүчеләр дә бар. Әзерлек эшләре дә инде байтак вакыт алдан башланган иде.

Театр, район мәдәният сарае артистлары, авыллардан мәдәният хезмәткәрләре, тренерлар һәм хәтта укытучылар Казахстанда район, республика, илебезне тәкъдим итәчәк.