«Минзәлә-информ» филиалы ярминкәдә сату итүчеләрне дүрт номинациядә подписка белән бүләкләде

Конкурста дүрт номинация билгеләнде: «Киң ассортимент», «Иң матур бизәлгән палатка», «Үз хуҗалыгында үстерелгән эксклюзив продукт» һәм «Эксклюзив товар». 

«Минзәлә-информ» филиалы җитәкчесе Илдус Шаһиев номинациядә җиңүчеләрне Грамота һәм «Минзәлә»-«Мензеля» район газетасына ярты еллык подписка белән бүләкләде. Җиңүчеләр район газетасын ярты ел дәвамында «Кырык тартма» аша бушка укый алачак. 

Бүләкләнүчеләрнең теләкләрен истә тотып, мондый конкурсны филиал коллективы һәр ярминкәдә үткәрәчәк.