Минзәлә районы Бикбау авылы халкы пай җирләре өчен икмәк алды

Дифиза Нуриева, 4 август 2026 - 09:08

Әлеге авыл кешеләренең пай җирләрен «Калморза» хуҗалыгы файдалана.

Минзәлә районы Бикбау авылы халкы пай җирләре өчен икмәк алды

Әйтергә кирәк, «Калморза» хуҗалыгы районда беренчеләрдән булып үз пайчыларына икмәк өләшә башлады.

*Бикбау авылы халкы пай җирләре өчен икмәк ала.*

Бикбау авыл җирлеге башлыгы Люзия Мардамшина хәбәр иткәнчә, кичә, 3 август көнне, 1002 ц ның яртысын инде өләшкәннәр. Кичә ала алмаганнар өчен икмәк бүген тагын кайтачак. Пай җире өчен икмәк алырга теләмәгәннәр акчалата алырга мөмкин.

*Авыл үзәгенә кайткан бодайны авыл кешеләре үз техникасы белән хуҗалыкларына ташый*

«Калморза» хуҗалыгынна икмәк Камаз автомашиналары белән авыл үзәгенә алып кайтып бушатыла. Авыл халкы аны тиз арада капчыкларга тутырып, үлчәп үз хуҗалыкларына алып кайтып китә.