Минзәлә районы делегациясе Питрауга барды

Илшат Вагыйзов, «Минзәлә-информ»

Яңа Мәлкән авылыннан «Мәлкәнәй» халык фольклор ансамбле (җитәкчесе — Светлана Упаева) Зәй районында узыдырылган Питрау керәшен мәдәнияте бәйрәменә барып кайтты. «Мәлкәнәй» ансамбле концерт номеры белән чыгыш ясап, оештыручылар тарафыннан Рәхмәт хаты белән билгеләп үтелде.

Район делегациясен бәйрәмгә Минзәлә районы мәдәният бүлеге җитәкчесе Разилә Галиева һәм Татарстан халыклары ассамблеясенең Минзәлә районындагы вәкиллеге җитәкчесе, мәдәни мирас йорты мөдире Гөлназ Сизова озата бардылар.