Минзәлә районы комбайнчылары 30971,8 тонна ашлык суктырып алдылар

29 июльгә игеннәрнең 19,6 проценты урып җыелган, барлыгы 6304 гектар мәйданнан 30971,8 тонна ашлык суктырып алынган.

«Калморза» ҖЧҖ 1420 гектар көзге бодай суктырып алынды, гектар куәте 63,9 центнер тәшкил итә. Кичә районыбыз кырларында 59 берәмлек комбайн эшләде. «Туган як» агрофирмасы игенчеләре 700 гектарда көзге бодай суктыруны тәмамладылар, алар һәр гектардан уртача 63,6 центнер уңыш җыеп алдылар. Шулай ук «Заиковский» хуҗалыгы механизаторлары да көзге бодай урагын тәмамлап куйдылар.