Минзәлә районында комбайнчыларга премия бирү шартлары расланды

Минзәлә районы башлыгы Айдар Салахов «Уңыш-2026» кампаниясе кысаларында бөртекле һәм бөртекле-кузаклы культураларны урып-җыюда катнашучы комбайнчыларны премияләү турында боерыкка кул куйды. Документ хезмәтне стимуллаштыру һәм урып-җыю чорында югары нәтиҗәләргә ирешүгә комбайнчыларның кызыксынуын арттыру максатыннан кабул ителде.

Расланган шартлар буенча, билгеләнгән ашлык суктыру нормасын үтәгән комбайнчыларга 5 мең сум күләмендә премия биреләчәк. Норма комбайн маркасына карап түбәндәгечә билгеләнгән:

«Лексион», «Торум» — 1500 тонна;
«Нью Холанд», «Джон Дир», «Тукано» — 1300 тонна;
«Акрос», «Палессе» — 1000 тонна;
«Дон-1500», «Вектор» — 800 тонна;
«Нива», «Енисей» — 500 тонна.

Исегезгә төшерәбез, Минзәлә районында алдынгы механизаторларга әлеге премияләрне тапшыру алдагы елларда да оештырылган иде.

Фото редакция архивыннан.