Минзәлә районыннан Алексеевлар «Нечкәбил - 2022» бәйгесенең финалында 3нче урынны яуладылар

Илшат Вагыйзов, Минзәлә-информ 
Кичә "Нечкәбил 2022" - "Гаиләнең унҗиде мизгеле. Гаилә мирасы бәйрәме" конкурсының финалы булды. Минзәлә районыннан килгән Наталья һәм Виталий Алексеевлар 3 нче урынны алдылар һәм "Энҗе Нечкәбил", "Иҗади Нечкәбил"кебек берничә номинациядә җиңүчеләр булдылар. Шулай ук Наталья Алексеевага мәдәният хезмәткәрләренең Татарстан Республика профсоюз комитеты исеменнән Рәхмәт хаты, ә Виталийга "ТР Әтиләр Берлеге"РОО исеменнән Рәхмәт хаты тапшырылды. Районнан Алексеевларга теләктәшлек күрсәтү өчен финалга 33 кеше барды. Алар - районның "Чишмә" мәдәният сарае каршындагы халык җыр һәм бию ансамбле (җитәкчесе-Лилия Гыйбадуллина) һәм Николаевка авылы мәдәният йорты каршындагы "Рябинушка" халык фольклор ансамбле.

- Котлыйбыз, хезмәтләре һәм катнашулары өчен рәхмәт белдерәбез!Горурланабыз! -диде район мәдәният сарае директоры Гөлчәчәк Габдрахманова, әлеге шатлыклы хәбәр белән безнең белән бүлешеп.