Минзәлә районының Югары Тәкермән авылында яшәүче тыл хезмәтчәне Габдулла Юмаев 95 яшьлек юбилеен билгеләп үтте

Юбиляр 1931 елның 1 июнендә дөньяга килгән.
Габдулла Шәрип улы кечкенә яшьтән үк хезмәтнең кадерен белеп үсә. Ул 10 яшеннән туган авылындагы колхозда төрле эшләрдә хезмәт куя башлый һәм лаеклы ялга чыкканчы шунда терлекче булып эшли. Бөек Ватан сугышы елларындагы фидакарь хезмәте өчен ул «1941–1945 еллардагы Бөек Ватан сугышында фидакарь хезмәт өчен» медале белән бүләкләнгән. Озак еллар дәвамындагы намуслы хезмәте өчен Габдулла Шәрип улы күпсанлы Рәхмәт хатлары һәм Мактау грамоталарына лаек була.
Хатыны белән бергәләп ветеран өч кыз тәрбияләп үстергән. Бүген бабай исә үзенең нәсел дәвамчылары — оныклары һәм оныкчыклары белән горурлана.