Минзәләдә IT-парк филиалы эшли башлый

Илшат Вагыйзов, «Минзәлә-информ»

Минзәлә балалар иҗат йорты базасында IT-парк филиалы үз эшен башлый. Бу хакта карар Минзәлә районы мәгариф бүлеге һәм Казан шәһәренең IT-паркы арасында имзаланган килешү нәтиҗәсендә кабул ителде. 

— Укучыларның беренче агымы укуга дүртенче чирек башланганнан соң ук керешәчәк. «Мобиль кушымталар эшләү» һәм «Телеграмм-ботлар эшләү» темалары буенча курслар тулысынча бушлай булачак. Бу юнәлешләр очраклы гына сайланмаган-алар мәгълүмати технологияләр дөньясында заманча трендларны чагылдыра һәм балаларга Киләчәк һөнәрләре белән танышырга мөмкинлек бирә, — дип хәбәр итте «Минзәлә-информ» га Балалар иҗат йорты директоры Рөстәм Ялаев.