Минзәлә районында печән хәзерләү техникасын кабул итәчәкләр

Дилфас Галиев, "Минзәлә-информ")

Әле хуҗалыкларда башкарасы эшләр шактый.”Кама беконы” ҖЧҖ һәм “Заиковский” хуҗалыгында барлык техникалар да печән чабу-җыю эшенә әзер, механизаторлар бу мөһим кампаниягә старт бирелгәнне генә көтәләр.  Ә кайсыбер хуҗалыкларда кышлык азык хәзерләүгә җитди карап, барлык механизация  машиналары күпьеллык үлән басуларына кереп китәрлек итеп комплектлаштырылган.  Ә кайбер КФХларда чапкычларны төзекләндереп бетерәсе, запас частьларны табып алып кайтып куясы бар. Май азагында районыбызга Татарстан Республикасы авыл хуҗалыгы һәм азык-төлек министрлыгының вәкилләреннән торган комиссия терлек азыгы әзерләү техникасын кабул итәргә киләчәк.

Сан. Районда барысы 12-куәтле терлек азыгы хәзерләү комбайны, 20- асылмалы чапкычлар,10-үзйөрешле чапкычлар, 17- тырма һәм печән әйләндергечләр, 25-печән төргеч, трамбовкалау өчен 15 трактор, сенаж-силос ташу өчен 10 берәмлек “КамАЗ” автомоюиле, 5 берәмлек МТЗ-1221 тракторы,  4 берәмлек ПС-25тонналы арба, 2 берәмлек МТЗ-82 тракторы һәм 3 берәмлек ПТБ-40 арбасы бар.