Минзәләдә COVID-19ның яңа очраклары юк

(Минзәлә, Илшат Вагыйзов, "Минзәлә-информ") ТР коронавируска каршы көрәш буенча оперштабы мәгълүматларына караганда, соңгы тәүлек эчендә бу авыруның яңа очраклары Минзәлә районында ачыкланмаган.

Татарстан буенча ачыкланган 39 очракның 6сы - Минзәлә районы белән янәшә урнашкан Яр Чаллыга, 1 очрак - Сарман районына туры килә.

Соңгы тәүлектә коронавирустан 26 татарстанлы терелде. Тагын 1146 кеше - дәвалана.