Минзәлә
  • Рус Тат
  • Минзәләдә “Мәктәпкә җыенырга ярдәм ит” акциясе балаларны сумкалы итте

    Балалар иҗат йортында район башлыгы Айдар Салахов, депутатлар, эшмәкәрләр, предприятие, учреждение, оешма җитәкчеләре - район хәйриячеләре катнашында "Мәктәпкә җыенырга ярдәм ит" акциясе кысаларында чара узды. Әлеге акция аз керемле, күпбалалы, уллыкка алынган һәм инвалид балалары булган гаиләләргә адреслы ярдәм күрсәтү йөзеннән оештырылган иде. Булачак беренче сыйныф укучылары уку елы дәвамында...

    Балалар иҗат йортында район башлыгы Айдар Салахов, депутатлар, эшмәкәрләр, предприятие, учреждение, оешма җитәкчеләре - район хәйриячеләре катнашында "Мәктәпкә җыенырга ярдәм ит" акциясе кысаларында чара узды. Әлеге акция аз керемле, күпбалалы, уллыкка алынган һәм инвалид балалары булган гаиләләргә адреслы ярдәм күрсәтү йөзеннән оештырылган иде.

    Булачак беренче сыйныф укучылары уку елы дәвамында кирәк булачак канцтоварлар белән тутырылган тәүге букчаларын тантаналы төстә алдылар. Моннан тыш, аларга күңелле бәйрәм оештырылды.

    -Бүгенге көндә баланы мәктәпкә әзерләү өчен шактый күләмдә акча кирәк. Бу акция - безнең өчен зур ярдәм һәм ул безгә киләчәк көнгә дә ышаныч белән карарга ярдәм итә, өмет уята, - дип фикерләре белән уртаклашты булачак беренче сыйныф укучысы Римма Санникованың апасы.

    Балалар өчен бәйрәм чәй өстәле артында дәвам итте. Һәр минзәләле 25 августка кадәр дәвам иткән әлеге акциядә катнаша ала.

    Район мәгариф бүлеге җитәкчесе Наил Габдуллин:

    -Быел безнең районда беренче сыйныфка укырга 290 бала барачак. Шуларның 56 сы - ярдәмгә мохтаҗ. Акция кысаларында бер үк вакытта авыр материаль хәлдә калган 2-11 сыйныф укучыларына да ярдәм итү планлаштырыла. Бу - күпсанлы хәйриячеләр ярдәме белән башкарылачак, - диде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: