“Әнәк” агрофирмасының Мөшеге бүлекчәсе Иркәнәштә пай җирләре өчен дә түләде, бүләкләр дә таратты

Илшат Вагыйзов, “Минзәлә-информ”

 “Әнәк” хуҗалыгының Мөшеге бүлекчәсе Иркәнәш авыл җирлегендә пай җирләре өчен аренда түләвен түләде һәм өлкәннәргә декада кысаларында бүләкләр таратты.

Камил Шәймәрданов, “Әнәк” хуҗалыгының Мөшеге бүлекчәсе җитәкчесе:

- Әлеге җирлектә яшәүчеләргә 1 пай өчен түләү 5 центнер каралган, шуларның 2,5 центнеры – бодай, калган 2,5 центнеры – арпа. Шулай ук күптәнге күркәм традиция буенча өлкәннәр декадасы кысаларында җирлектә бүләкләр дә тараттык. Берьюлы якынлашучы инвалидлар декадасына багышлап та күчтәнәчләр дә бирдек. Барлыгы 160 кешегә (144 – өлкән, 16 эш яшендәге инвалид) азык-төлек җыелмалары тапшырдык. Әлеге җыелмада - дөге, сыек май, конфетлар, вафлялы торт, сок, чәй һәм макароннар. Алга таба да иркәнәшлеләр белән тату гына яшзәп, матур гына хезмәттәшлек итәрбез, дип ышанып калабыз.