Отышлы яклары күп

Флүрә Мусина, Минзәлә-информ

"Сакчыл поликлиника” программасын тормышка ашыру кысаларында район үзәк хастаханәсенең балалар консультациясе  төп стационар бинасының беренче катында урнашкан яңа бинага күчте. (Балалар консультациясенең урнашу схемасы фотода күрсәтелгән).

Ягъни бу элеккеге роддом бинасы. Отышлы яклары күп. Беренчедән, ул беренче катта урнашкан. Икенчедән, гардеробная бар, бер персонал бахиллалар биреп, киемне элеп тора. Ишекне ачып эчкә үтәсең. Биредә шунда ук регистратура (элеккесе әллә кайда түрдә үк иде бит).Өченчедән, прививкалар кабинеты да янәшә генә. Әти-әниләр әлеге консультациягә карата уңай фикердә.