Ринат Фәрдиев истәлегенә көрәш турнирында Минзәлә вәкиле беренче урын яулады

Илшат Вагыйзов, “Минзәлә-информ”

Ринат Фәрдиев истәлегенә Бөтенроссия турнирында Минзәлә көрәшчеләре дә катнашты. Аларның уңышлары турында безгә Минзәлә районы командасы тренеры Рөстәм Хәмидуллин хәбәр итте.

- 130 кг га кадәр үлчәм авырлыгында Рөстәм Бәдертдинов беренче урын яулады. Ә яшүсмерләр арасында Минзәлә интернат-мәктәбе укучысы Дмитрий Осипов 4 нче урында калды, - диде тренер.

Әлеге Бөтенроссия турнирында илебезнең 11 регионыннан: Татарстан, Башкортостан, Кабардино-Балкария республикасыннан, Ульяновск, Пермь өлкәләре һ.б. 300 ләп көрәшче бил алышты.