Сезнең авылларда Сабантуе үтәчәкме?

Айрат Галимов, Аю җирлеге башлыгы:
— Безнең җирлек Сабантуе Аю авылында 7 июнь көнне 10 сәгатьтә башлана.
Финанслау (бүләкләр) халыктан җыелган акчадан карап булачак. "Минзәлә-Август«ның бирәсе суммасы билгеле. Аларга рәхмәт.

Хәлил Нәбиуллин, Кадрәк авыл җирлеге башлыгы:
— Безнең җирлек Сабантуе Кадрәк авылы янындагы махсус мәйданда үткәреләчәк. Әлегә 6 июнь көнне 15 сәгатьтә дип торабыз.
Үткәрү бюджеты 30 мең дә, 100 дән дә артырга мөмкин. Акча бирүчеләрнең күңел киңлеге һәм кесә тирәнлегеннән торачак. Традиция буенча халыктан бүләкләтә дә җыябыз!