Яңгырларның файдасы: Минзәлә базарында гөмбә белән сату итәләр

(Дифиза Нуриева, “Минзәлә-информ”)

Быелгы күпләп яуган яңгырлар гөмбәнең мул булып үсүенә китерде. Урынын белгән кешеләр рәхәтләнеп җыя, үзеннән артканын сатуга куя. Әйтик, 5 литрлы чиләктәге ак гөмбә өчен 500 сум сорыйлар.

Яшь бәрәңге дә сатуга чыккан, әлегә безнең җирдә үскәне түгел, билгеле. Краснодар ягыннан. 5л чиләктәге бәрәңге – 300 сум.

Базар бәяләре хакында тулырак “Минзәлә” район газетасыннан укып танышырга була.