“Олимп” спорт мәктәбе

Тасвирлама:
"Олимп" спорт мәктәбе 1981 елның 1 сентябрендә Республика балалар-яшүсмерләр спорт мәктәбе филиалы буларак оеша.
Эш вакыты:
дүшәмбе-якш 08:00-21: 00
Телефон:
- +7(855)-553-44-64
Сайт:
Oleg.Petrov@tatar.ru
Адресы:
423700 ТР, Минзәлә ш., Изыскатель ур., 4/1 А

1983 елда чаңгыда шуарга өйрәтү буенча мөстәкыйль балалар-яшүсмерләр спорт мәктәбе буларак ачыла. Соңгы елларда физик культура һәм спорт өлкәсендә барган үзгәрешләр турыдан-туры «Олимп» спорт мәктәбенә дә кагылды. Соңрак балалар-яшүсмерләр спорт мәктәбендә гер спорты бүлеге ачыла. Балаларны физик культура һәм спорт белән шөгыльләнүгә җәлеп итү максатында, аларның мәнфәгатьләрен һәм районда булган мөмкинлекләрне (тренер-укытучылар составы, спорт инвентаре һәм матди база булу) исәпкә алып, өстәмә рәвештә спорт уеннары: футбол, волейбол бүлекләре ачылды. Бүгенге көндә спорт мәктәбендә 4 төрле бүлек эшли: футбол, өстәл теннисы, гер спорты һәм чаңгыда шуу. Балалар белән спорт өлкәсендә зур эш тәҗрибәсе булган тренерлар шөгыльләнә. Тренерлар составы – 12 кеше, шуларның 9ы штатлы һәм 3се килешү нигезендә эшләүче.