8 нче май көнне Воровский бистәсендә гомер итүче Мәгъсүм Мөхәррәм  улы Рәхимов 70 яшьлек юбилеен билгеләп үтә

Ул 13 ел Калинин колхозын җитәкләде. Уңган, эшлекле җитәкче итеп танытты, авыл халкы арасында авторитеты зур булды. Булдыклы җитәкче колхоз экономикасын, авыл кешеләренең социаль,тормыш көнкүрешен яхшырту буенча шактый зур эшләр башкарды. Авыл кешеләре аның эшләгән эшләрен онытмыйлар, яхшы якларын гына искә алалар. Без аны ихлас күңелдән юбилее белән тәбрик итәбез. Чын күңелдән туган көне белән котлап, күңел тынычлыгы, ныклы сәламәтлек, гаилә иминлеге, һәрвакытта да шулай көр күңелле, тормыш сөючән булып калуыңны телибез.

Иң изге теләкләр белән Кадрәк авыл җирлеге башлыгы Хәлил Нәбиуллин һәм җирлек халкы.