«Август-Мензелинск» быел да арыш культурасын чәчә

Районда арышны «Август-Мензелинск» ҖЧҖ генә чәчә. Бу хуҗалык узган елны 660 гектар арыш чәчкән иде, ул аны сенаҗга салды. Район буенча барысы 3034 гектар көзге культуралар чәчелгән. 

Көзге культуралар чәчү буенча «Мензелинские зори» агрофирмасы алда бара, бу хуҗалык 4500 гектар көзге бодайның 1499 гектарын чәчеп куйды. Көзге бодайны «Кама Беконы» ҖЧҖ — 800 га, «Ильнур» КФХсы — 250 га, «Әнәк» агрофирмасының Мөшеге бүлекчәсе 145 гектар чәчте.