Басулар югары уңыш вәгъдә итә

(Дилфас Галиев,"Минзәлә-информ” 8 июнь)

Басуларга бәя биргәндә чәчүлекләрдәге орлыклар  инкрустацияләнгәнме,  чәчү нормасы, элгәрләр, чәчү тирәнлеге, картограммасы эшләнгәнме, хуҗалыкларда эретмә әзерләү пункты булуы, җир эшкәртү культурасының дәрәҗәсеннән чыгып куелды.   

 “Чәчү кампаниясе уңышлы төстә узды, тиешле барлык таләпләр, эш күләмнәре һәм сыйфаты үтәлде. Бүген игенчеләр, механизаторлар чәчүлекләрне эшкәртәләр, алдагы уңышны кайгырталар”,-диде Илфар Халиков. хәзер авыл хуҗалыгы культураларын саклау, яфрак аша үстерү стимуляторларын, макро-һәм микроашламалар белән тукландыру мәсьәләсенә дә төп игътибар бирергә кирәк.  Районыбыз игенчеләре тырышып эшлиләр, басуларда массовый репродукцияле орлыклар юк.  

Район хуҗалыкларындагы чәчелгән басуларны кабул итүдә  район авыл хуҗалыгы һәм азык-төлек идарәсе начальнигы Илфар Халиков, аның урынбасары Илгиз Ханов, идарәнең игенчелек буенча консультанты Равил Сәйфиев,”Россия авыл хуҗалыгы үзәге”  Татарстан Республикасының Минзәлә районы буенча җитәкчесе Назыйм Сәхәбетдинов һәм хуҗалыкларның җитәкчеләре, агрономнары катнаштылар.