Көзге чәчү дәвам итә

Барлыгы 7174 гектарда көзге культуралар чәчелде, шуның-6555 гектары-көзге бодай, калганы көзге арыш.   Районыбыз хуҗалыкларында көзге культуралар чәчү өчен барысы 4493 тонна күләмендә орлык хәзерләнгән. Туфракны төп эшкәртү  16519 гектарда башкарылды, шуның 7 мең гектардан артыгы  тирәнтен эшкәртелгән. Туфракны төп эшкәртү буенча “Август-Мөслим” ҖЧҗнең Минзәлә бүлекчәсе 2602 гектар, “Заиковский”-2090 гектар, “Калморза” хуҗалыгы-6839 гектар, “Әнәк” агрофирмасының Мөшеге бүлекчәсе 2120 гектар алда баралар. Әлегә фермер хуҗалыклары бу эштә сүлпәнлек күрсәтәләр.