Механизаторларыбызның язгы чәчүгә хәзерлеге бик яхшы бәяләнде

(Дилфас Галиев, "Минзәлә-информ")

Татарстан Республикасының авыл хуҗалыгы министрлыгыннан килгән махсус комиссия район хуҗалыкларында машина трактор паркларының  язгы кыр эшләренә әзерлеген, хезмәтне саклау таләпләренең үтәлешен, үсемлекчелек буенча чаралар башкарылуын, авыл хуҗалыгы машиналарының агрегатлау сыйфатын һәм хуҗалыкларның эш планнары буенча әзерлек дәрәҗәсен билгеләделәр.

Авыл хуҗалыгы министрлыгыннан килгән вәкил Рөстәм Низамов ( “ФНЦ”Каз НЦ РАН” ФГБУИның аерымланган ТАТНИИСХның җитәкчесе) безнең район механизаторларының язгы кыр эшләренә әзерлеген яхшы  дип бәя бирде.. Аларны район авыл хуҗалыгы һәм азык-төлек идарәче начальнигы Илфар Халиков, аның урынбасары Илгиз Ханов, идарәнең игенчелек бүлеге җитәкчесе Равил Сәйфиев һәм ТРсы Дәүләт техник күзәтчелегенең Минзәлә районы буенча начальнигы Ринат Гыйльманов озатып йөрде.

Быелгы язгы кыр эшләрен уздыругаәзерлек буенча конкурста районыбыз хуҗалыклары арасында “Кама беконы” ҖЧҖгә тиңнәр табылмады. Әлеге хуҗалык 48 балл җыеп беренче урынны яулады. Икенче урынны “Калморза” хуҗалыгы алды(47 балл),  өченче урында 46 балл җыеп “ Мензелинские зори”агрофирмасының Кадрәк җитештерү комплексы калды .

Язгы кыр эшләренә хәзерлек буенча фермер хуҗалыкларындагы бөтен төр техниканы да тикшерү алдагы атнада булачак.