Минзәлә авыл хуҗалыгы техникумында фотокүргәзмә эшли

«Август-Агро» компаниясе Минзәлә авыл хуҗалыгы техникумы коридорында яшь кадрларга багышланган рухландыргыч фотосүрәтләр коллекциясеннән фотокүргәзмә эшләгән. 
Әлеге фотокүргәзмә дә авыл хуҗалыгында эшләүче яшь кадрларның портретлары сүрәтләнгән. Бу күргәзмә туган җирендә дәртләнеп эшләүче кыр хезмәтчәннәре һәм терлек караучыларга багышланган. Күргәзмә бүгенге яшь кадрларның аграр тармакның якты киләчәген төзүдәге ролен кузалларга ярдәм итәчәк. 

Шулай ук  Минзәлә авыл хуҗалыгы техникумын тәмамлап, «Август-Агро» компаниясенең башка хуҗалыкларында эшләүче агроном, механизатор, бухгалтерлар да бар. Гомумән алганда техникумны тәмамлап, 10 кеше «Август-Мензелинск» ҖЧҖдә хезмәт куялар. Хәзерге вакытта техникумда белем алучы студентлар Степановка терлекчелек комплексында практика да үтәләр.