Минзәлә районы игенчеләре тулай җыем-177 мең тоннадан артык икмәк суктырып алдылар

Район авыл хуҗалыгы һәм азык-төлек идарәсенең оператив мәгълүматларыннан күренгәнчә, барлыгы 37454 гектарда игеннәр суктырылган. Уракның 85,3 проценты төгәлләнде һәм акрынлап булса да финиш сызыгына якынлашабыз. Барлыгы 177371тонна ашлык амбарларга кайтарылган. Район буенча бер гектардан уртача уңыш 47,4центнер тәшкил итә. Кичә районыбыз кырларында 50 комбайн эшләде. Барлыгы 12623 тонна салам төргәкләргә төрелгән һәм аларны ферма яннарына ташу дәвам итә.