Минзәлә районы рекордлы уңыш җыя

Минзәлә районы аграрийлары гектар күәте буенча Татарстанда алда бара.

Район авыл хуҗалыгы һәм азык-төлек идарәсенең оператив мәгълүматларыннан күренгәнчә, барлыгы 25 310 гектарда игеннәр суктырылган. Уракның 64,9 проценты төгәлләнде. Район буенча 13 716 гектар бөртеклеләр суктырасы бар, шуның эченнән: арпа – 1470, сабан бодае – 11 949, карабодай – 137, бөртек өчен кукуруз 100, рапс – 7420 гектар. “Август-Мензелинск” ҖЧҖ кырларында 13 комбайн сабан бодаен суктыруда эшләде. “Рус” ҖЧҖ 1004 гектарда бөртеклеләр суктыруны төгәлләде.

Барлыгы 4500 тоннадан артык салам төргәкләргә төрелгән һәм аларны ферма яннарына ташу дәвам итә.