Минзәлә районында беренче гектарлардан югары уңыш алына

 Урак башлангач бу саннар конкрет күрсәткечләр белән ныгытылды. Уракка иң беренче булып төшкән «Калморза» хуҗалыгы басуында көзге бодай- 47,1, ә «Мензелинские зори» агрофирмасының Кадрәк җитештерү комплексы хуҗалыгы үстергән көзге бодайдан уртача 36,9 центнер уңыш алалар. 

Радик Мухаметов, «Калморза» хуҗалыгының баш агрономы: 
— Быелгы уңыш әлегә өметләрне аклый. Без булдыра алганча уңышны үстерү өчен күп көч куйдык, җирен дә яхшылап эшкәртек, язын минераль ашлама белән өстәмә тукландырдык. Алда шул уңышны түкми-чәчми җыеп алу бурычы тора. Иң мөһиме — эшкә иртәрәк чыгып, соңга кадәр эшләп, техника куркынычсызлыгы кагыйдәләрен төгәл үтәп, һәр комбайнчының үз эшләренә җаваплы карап игеннәрне югалтуларсыз җыеп алу.