Минзәлә районында көнбагыш суктыруга керештеләр

Бүген «Калморза» хуҗалыгы комбайнчылары көнбагыш суктыруга керештеләр. Хуҗалык комбайнчылары 10 көн эчендә көнбагыш суктыруны тәмамларга исәпләре. Биредә һәр гектардан уртача 25- 27 центнер чыгар дип көтелә. Шулай ук «Август-Мөслим» ҖЧҖнең Минзелинское ОСПсы да көнбагыш урагына киләсе атна башында дүшәмбе көнне чыгарга планлаштыра. Әлеге хуҗалык көнбагышны 5205 гектарда үстерде. Бу хуҗалыкта үзләренең ике комбайны һәм «Август Агро» ның Мөслимнән 4 комбайны көнбагыш суктырыр дип көтелә.