Минзәлә солдатына “За отвагу” медале тапшырылды

Дилфас Галиев, “Минзәлә-информ”

Ленар Бахтияров Украинадагы махсус хәрби операциядә катнашырга “Барс” отряды составында апрель аенда китә. Лисичанский шәһәре астындагы хәрби хәрәкәттә катнашканда граната шартлап яралана. Мәскәүдә Бурденко исемендәге госпитальдә 4 ай ятып яраларын төзәткәннән соң шәһәребезгә кайтты. Бүген район башлыгы Айдар Салахов Ленарга “Батырлык өчен” медален тантаналы шартларда тапшырды. Ленар илебезнең, районның чын патриоты.

Ни булса да исән, сау булып якыннары янына кайту зур бәхет.

Безнең өстәмә. Ленар заманында башка хәрби операцияләрдә дә катнашкан.