Минзәләдә гектардан уртача уңыш 49,7 центнер тәшкил итә

Район авыл хуҗалыгы һәм азык-төлек идарәсенең оператив мәгълүматларыннан күренгәнчә, барлыгы 8073 гектарда игеннәр суктырып алынган. Шуның эченнән борчак — 340,көзге бодай — 6320, солы — 130, арпа — 220, сабан бодае 250 гектарда җыеп алынган. Барлыгы 40136 тонна ашлык суктырып алынып амбарларга кайтарылды. Әлегә борчакның һәр гектары — 42,8 ц, солы — 53,6 ц, арпа — 42,9 ц, көзге бодай 50,9 центнер уңыш бирә. Иң югары уңыш — «Кама беконы» ҖЧҖ җирләрендә, биредә гектар куәте — 70 центнер. Район буенча бер гектардан чыккан уртача уңыш 49,7 центнер тәшкил итә. Районыбыз кырларында 28 комбайн эшләде.