Минзәлә автомәктәбендә балаларга юл хәрәкәте иминлеге буенча экскурсия бик ошады

Балалар автомәктәптә автоклассны карадылар, компьютер, уку бүлмәләрендә булдылар. Лагерьда ял итүче балалар юл кагыйдәләре буенча сорауларга җавап бирделәр. 
–Сез бу автомәктәп белән танышырга дип экскурсиягә килдегез. Монда сезнең әти-әниләрегез шофер булырга укыдылар, җиңел машина йөртергә һәм юл кагыйдәләрен өйрәнделәр. Сезнең арада да биредә укырга теләк белдерүчеләр табылыр дип ышанабыз, шуны күздә тотып автомәктәп белән сезне алдан таныштыру өчен экскурсия оештырырга булдык, – диде аларга автомәктәп директоры Таһир Исмәгыйлов. 
Соңыннан экскурсиядә булган һәр балага ЮХИДИнең Минзәлә бүлекчәсе хезмәткәре блокнотлар бүләк итте. Балалар экскурсиядән бик канәгать калдылар.