Минзәлә көрәшчеләре Мөслимнән җиңү белән кайттылар

(Минзәлә, Илшат Вагыйзов, “Минзәлә-информ”) Минзәлә районы көрәшчеләре Мөслим районында узган билбау көрәше ярышында катнашып призлы урыннар яулап алып кайттылар. Тренер Рөстәм Хәмидуллин хәбәр итүенчә, Актаныш, Азнакай, Мөслим, Минзәлә һ.б. районнарның 2005 нче һәм аннан да яшьрәк малайлар һәм кызлары бил алышты.

48 кг га кадәр авырлык категориясендә 1 урынны Ксения Салимова яулады. 48 кг дан югары авырлык категориясендә 2 урын - Полина Исламованыкы.40 кг га кадәр авырлык категориясендә 2 урында – Динар Исламов һәм 50 кг га кадәр авырлык категориясендә 3 урында – Ильяс Загриев.

Исегезгә төшерәбез, Минзәләдә 11-13 февральдә узачак шагыйрь-патриот Муса Җәлил исемендәге көрәш турнирына әзерлек бара.