Минзәлә районы игенчеләре экватор сызыгын узып киттеләр

Уртача һәр гектардан 49,4 центнер уңыш чыга. 15 нче август көнне  “Август” компаниясенә караган Мензелинское ОСП хуҗалыгы комбайнчылары рапс культурасын суктыра башладылар һәм гектар төшеме уртача 20 центнер тәшкил итә. “Калморза” хуҗалыгы игенчеләре районда беренчеләрдән булып язгы бодайның 46 процентын суктырдылар,  1550 гектардан артыкмәйданда суктырып алдылар, гектар төшеме 59,7 центнер тәшкил итә. Бу хуҗалык игеннәрнең 70 процентын җыеп алды.15 нче август көнне район кырларында 92 комбайн эшләде, шуның 74 е-хуҗалыкларныкы, 18е фермерларныкы. Игеннәре суктырып алынган кырларда салам җыю дәвам итә, барлыгы 4717 тонна салам төргәкләргә төрелгән. Саламны ферма яннарына ташу һәм халыкка өләшү дәвам итә.