Минзәлә районында 12 327 кеше коронавирустан вакцина ясаткан

(Дилфас Галиев, “Минзәлә-информ”)

Наил Асадуллин, район үзәк хастаханәсенең баш табиб урынбасары:

–Пандемия башланганнан бирле районыбызда барысы 1542 кешегә Ковид авыруы диагнозы куелды. Фактта исә авыручылар тагын да күбрәк.Район хастаханәсенең инфекцион авырулар бүлегендә 25 кеше ята. Үз йортларында, фатирларында 100 дән артык кеше дәвалана.

Район буенча 17403 кешегә вакцина ясатылырга тиеш, шуның 12327 се вакцина ясаткан. Район авылларында барысы 3316 кеше вакцинацияләнгән, шуның 967 се – 60 яшьтән өлкәнрәкләр. Авылларда коронавирус белән 530 кеше авырган, бүгенге көндә тагы 83 кеше авырый.