Минзәлә районында борчак һәм арпаны суктыра башладылар

Районда иң беренчеләрдән булып “Калморза” хуҗалыгы комбайнчылары борчакны суктыра башладылар. Алар якшәмбе көнне теземнәргә салынган 250 гектар борчакны суктырдылар. Хуҗалык комбайнчылары бүген борчакны суктыруны төгәлләячәкләр. Биредә бер гектардан уртача уңыш-34,8 центнер тәшкил итә.  Шулай ук “Заиковский” хуҗалыгы һәм “Мензелинские зори” агрофирмасыныңд Кадрәк җитештерү комплексы игенчләре дә борчакны суктыра башладылар. Бу ике хуҗалыкта да борчактан уртача 29,4 центнер уңыш чыга.

Шулай ук якшәмбе көнне “Мензелинские зори” агрофирмасының Кадрәк җитештерү комплексы комбайнчылары арпа урагына да төштеләр, биредә арпаның гектар куәте уртача 51,2 центнер.