Минзәлә районында “Әнәк” агрофирмасы көзге бодайны суктырып карады

Минзәлә районында “Әнәк” агрофирмасына караган Мөшеге бүлекчәсе көзге бодайны сынау рәвешендә турыдан-туры суктырып карады. 

Район буенча барысы 714 гектар борчак теземнәргә салынды. Урып-җыю кампаниясен иң беренчеләрдән башлап җибәргән “Мензелинские зори” агрофирмасының Кадрәк җитештерү комплексында- 264 гектар,“Калморза” хуҗалыгында-350 гектар, “Заиковский” хуҗалыгында 100 гектар борчак теземнәргә салынган. Теземнәргә салынган борчакларның дымлылыгы 20 проценттан артыграк.  “Калморза” хуҗалыгында көзге бодайның дымлыгы-26 процент, арпаныкы 30 проценттан артып китә.Ашлыкны амбарларга сакларга урнаштырганда аның дымлылыгы 13 проценттан артмаска тиеш.Тиздән алдагы бер ике көндә борчакны һәм көзге бодайны суктыра башлаячаклар.