Минзәлә районында су коену сезонын оештыру мәсьәләләре буенча утырыш узды

Дилфас Галиев, “Минзәлә-информ”

Бу утырышта районның төрле оешмаларыннан җаваплы затлар катнаштылар. Утырышта  шәһәр башкарма комитеты җитәкчесе вазыйфаларын башкаручы Рамил Шайсуваров доклад ясады. Ул  үз чыгышында тиздән су коену сезоны ачылуын, халык ял итәргә сулыкларга баруын һәм балаларның җәйге каникуллары башлануын ассызыклады. Рамил Рашитович коену сезонында санкцияләнмәгән сулыкларга аншлаглар куярга кирәклеген искәртте. 1 нче июньнән алып 31 нче авгуска кадәр елгаларда, күлләрдә полиция участок уполномоченныйлары белән берлектә рейдлар үткәрүләр дә планлаштырылган, диде. Минзәләдә яшәүчеләр һәм килгән кунаклар өчен тиздән былтыргы урында су коену урыны булачагын да җиткерде. Әлеге су коену урыны водолазлар тарафыннан төрле калдыклардан  чистартылган. Роспотребнадзор идарәсе белгечләре тикшергәч  1 нче июль көнне пляж эшли башлаячак