Минзәлә районында тулай җыем 128 мең тоннадан артып китте

Район авыл хуҗалыгы һәм азык-төлек идарәсенең оператив мәгълүматларыннан күренгәнчә барлыгы 26069 гектарда(бу барлык мәйданның 59,3 проценты) игеннәр суктырып алынган.Суктырып алынган бөртекнең гомуми күләме124451,4тонна тәшкил итә. Тулай җыем буенча “Август” компаниясенә караган Мензелинское ОСП хуҗалыгы алда бара-32790 тонна, “Калморза”- 27819 тонна, “Мензелинские зори” агрофирмасының “Кадрәк” җитештерү комплексы 23676,5 тонна ашлык суктырып алды. Урып-җыю буенча “Калморза” хуҗалыгы алдынгылыкны бирми, биредә игеннәрнең 78 проценты суктырып алынган. Бу хуҗалык 19 нчы август көнне рапс суктыруга кереште һәм бер көндә 350 гектар рапсны суктырды, һәр гектардан уртача уңыш 25,1 центнер тәшкил итә. Район буенча бер гектардан уртача 49,4 центнер уңыш чыга. Ә республика күләмендә һәр гектардан уртача 38,4 центнер уңыш җыеп алына. Суктырылган мәйданнарда салам төргәкләү дәвам итә, барысы 5617 тонна салам төргәкләнгән.