Минзәлә районында уракның 62 проценты төгәлләнде

Бер гектардан чыккан уртача уңыш 49,1центнер  тәшкил итә, Татарстан Республикасы буенча бу күрсәткеч 38,2 центнер. Бер гектардан иң югары уңыш алу буенча “Калморза” хуҗалыгына тиңнәр юк һәм гектар күәте 55,9 центнер тәшкил итә. 38 комбайнчыүзләренә  җиткерелгән суктыру планын үтәде һәм барысына да район башлыгы премиясе тапшырылды. “Рус” хуҗалыгы комбайнчылары рапс суктыра башлады һәм 40 гектар мәйданны  суктырып76,3 тонна рапс җыеп алды.Бу хуҗалыкта рапсның гектар куәте 19 центнер тәшкил итә.Кичә районыбыз кырларында 57 комбайн эшләде.

Район буенча 6 мең тоннадан артык салам төргәкләргә төрелгән, аларны ферма яннарына ташып, өеп куялар.